امریکی صدر ڈونلڈ ٹرمپ نے انکشاف کیا ہے کہ مئی میں پاکستان اور بھارت کے درمیان ہونے والے تنازعے کے دوران مجموعی طور پر سات طیارے گرائے گئے۔
ڈونلڈ ٹرمپ کا کہنا تھا کہ یہ کشیدگی تیزی سے نیوکلیئر جنگ کی طرف بڑھ رہی تھی، تاہم امریکہ کی بروقت مداخلت نے صورتحال کو قابو میں رکھا۔
اوول آفس میں ایگزیکٹو آرڈرز پر دستخط کرنے کے موقع پر میڈیا سے غیر رسمی گفتگو کرتے ہوئے صدر ٹرمپ نے کہا کہ جب انہیں صورت حال کی سنگینی کا اندازہ ہوا تو انہوں نے دونوں ملکوں کو سخت پیغام دیا۔ ٹرمپ کے مطابق، انہوں نے کہا: "اگر 24 گھنٹے میں لڑائی بند نہ ہوئی تو امریکہ دونوں ممالک سے تجارتی روابط منقطع کر دے گا۔”
صدر ٹرمپ کی جانب سے گرنے والے طیاروں کی تعداد کا یہ تازہ بیان اس سے قبل دیے گئے بیانات سے مختلف ہے۔ پہلے انہوں نے 5 طیاروں کے گرنے کا ذکر کیا تھا، بعد ازاں 6 کی بات کی، جبکہ اب انہوں نے 7 طیارے گرنے کا دعویٰ کیا ہے۔ ان کا یہ بیان اب پاکستان کے سرکاری مؤقف کے زیادہ قریب سمجھا جا رہا ہے۔
ڈونلڈ ٹرمپ کی بھارت پر کڑی تنقید، معیشت کو “مردہ” قرار دے دیا
پاکستان کی جانب سے دعویٰ کیا گیا تھا کہ مئی کے اس تنازعے میں اس نے بھارت کے 6 جنگی طیارے اور 1 ڈرون مار گرایا تھا۔ ٹرمپ کے تازہ بیان کو پاکستانی مؤقف کی تائید کے طور پر دیکھا جا رہا ہے۔
