6
پنڈدادنخان کے علاقے پنڈی سید پور میں ڈی سی شیخوپورہ چوہدری شاہد عمران مارتھ کے اعزاز میں تقریب، ستارہ امتیاز ملنے پر عوامی و سماجی حلقوں کا والہانہ استقبال۔
پنڈدادنخان، ڈپٹی کمشنر شیخوپورہ چوہدری شاہد عمران مارتھ کے اعزاز میں ان کے آبائی علاقے پنڈی سید پور میں ایک پروقار تقریب کا انعقاد کیا گیا۔
یہ تقریب ان کے عزیز **عبدالجلیل بھٹی** نے اس موقع پر منعقد کی جب شاہد عمران مارتھ کو **ستارہ امتیاز** ملنے کے بعد پہلی بار اپنے آبائی علاقے آمد پر شاندار استقبال کیا گیا۔
علاقے کے معززین، سیاسی و سماجی شخصیات اور قریبی رفقاء نے بڑی تعداد میں شرکت کی اور پھولوں کے ہار پہنا کر انہیں خوش آمدید کہا۔
تقریب سے خطاب کرتے ہوئے مقررین نے کہا کہ چوہدری شاہد عمران کو ستارہ امتیاز ملنا ان کی انتھک محنت، عوامی خدمت اور بہترین انتظامی صلاحیتوں کا اعتراف ہے۔
شرکاء نے امید ظاہر کی کہ وہ آئندہ بھی اسی جذبے اور لگن کے ساتھ عوامی خدمت کا سلسلہ جاری رکھیں گے۔
