سابق بھارتی کپتان سنیل گواسکر نے کہا کہ پاکستان کے خلاف میچ کھیلنے کا فیصلہ کھلاڑیوں کا نہیں بلکہ حکومت اور بورڈ کا ہے، کھلاڑی صرف ہدایات پر عمل کرتے ہیں۔
ممبئی،سابق بھارتی کپتان سنیل گواسکرنے پاکستان کے خلاف میچ کھیلنے کے معاملے پر بھارتی کھلاڑیوں کو **بے قصور اور مجبور** قرار دے دیا۔
اپنے ایک بیان میں انہوں نے کہا کہ اگر بھارتی حکومت بورڈ کو پاکستان کے خلاف کھیلنے کی اجازت دے دے تو پھر اس پر کھلاڑیوں کو موردِ الزام نہیں ٹھہرایا جا سکتا۔
گواسکر نے واضح کیا کہ بھارتی کھلاڑی بی سی سی آئی کے ساتھ معاہدے کے تحت کھیلتے ہیں اور وہی کرتے ہیں جو بورڈ ہدایت دے۔ بورڈ بھی حکومت کے فیصلے کے مطابق عمل کرتا ہے۔
اس معاملے میں پلیئرز بری الذمہ ہیں، اگر حکومت کھیلنے کا کہے گی تو وہ کھیلیں گے، اگر منع کرے گی تو بورڈ اس فیصلے پر عمل درآمد کرے گا۔
واضح رہے کہ **ایشیا کپ 2025** کا آغاز 9 ستمبر سے دبئی میں ہوگا جبکہ **پاکستان اور بھارت 14 ستمبر کو مدِ مقابل ہوں گے۔**
یاد رہے کہ اس سے قبل **ورلڈ چیمپئن شپ آف لیجنڈز** کے دوران بھارت نے پاکستان چیمپئنز کے خلاف نہ صرف گروپ میچ بلکہ سیمی فائنل کھیلنے سے بھی انکار کر دیا تھا۔
