چیک ریپبلک میں ایک مقامی آئس ہاکی میچ کے دوران غیر معمولی اور دلچسپ منظر دیکھنے کو ملا جب ریفری کی جانب سے کھلاڑی پر پینلٹی عائد کرنے پر اس کی ماں جذبات پر قابو نہ رکھ سکی اور بیٹے کے دفاع میں میدان میں جا پہنچی۔
رپورٹس کے مطابق ریفری نے کھلاڑی کے فاؤل پر پینلٹی اسٹروک دیا جو ٹیم کے لیے نقصان دہ ثابت ہو سکتا تھا۔ اس فیصلے پر کھلاڑی کی ماں، جو تماشائی کے طور پر اسٹیڈیم میں موجود تھی، شدید برہم ہوگئی اور فوراً میدان میں داخل ہو کر ریفری سے بحث شروع کر دی۔
View this post on Instagram
تماشائی اور کھلاڑی یہ منظر دیکھ کر حیران رہ گئے۔ کچھ افراد نے قہقہے لگائے جبکہ کئی نے موبائل فون سے اس واقعے کی ویڈیو بنا لی۔ بعدازاں یہ ویڈیو سوشل میڈیا پر وائرل ہوگئی جس پر صارفین نے مزاحیہ تبصرے کیے۔
کئی صارفین نے لکھا کہ "ماں تو آخر ماں ہوتی ہے، چاہے میدان کھیل کا ہی کیوں نہ ہو” جبکہ کچھ نے ریفری کو مشورہ دیا کہ وہ آئندہ فیصلے کرنے سے پہلے کھلاڑی کی ماں کے جذبات کا بھی خیال رکھیں۔
گھر بیٹھے خلا میں سیلفی کیسے لی جاسکتی ہے؟ دلچسپ طریقہ جانیے
