77
پاکستان کے معروف اور بین الاقوامی شہرت یافتہ گلوکار عاطف اسلم کے والد محمد اسلم انتقال کر گئے۔ مرحوم طویل عرصے سے علیل تھے اور 77 برس کی عمر میں دنیا سے رخصت ہو گئے۔
خاندانی ذرائع کے مطابق، نمازِ جنازہ ویلنشیا ٹاؤن لاہور میں ادا کی جائے گی، جس میں عزیز و اقارب، شوبز شخصیات اور مداح شریک ہوں گے۔
محمد اسلم کے انتقال کی خبر سامنے آتے ہی شوبز انڈسٹری اور مداحوں میں غم کی لہر دوڑ گئی۔ سوشل میڈیا پر ہزاروں افراد نے عاطف اسلم سے تعزیت کا اظہار کیا اور ان کے والد کے درجات کی بلندی کے لیے دعائیں کیں۔
عاطف اسلم اپنی نجی زندگی میں والدین سے گہرے تعلق کے لیے جانے جاتے ہیں۔ وہ متعدد مواقع پر یہ کہہ چکے ہیں کہ ان کی کامیابیوں کا اصل سہرا ان کے والدین کے سر ہے۔ وہ ہمیشہ اپنے اہم فیصلے والدہ سے مشورہ کر کے کرتے ہیں، جنہیں وہ اپنی اصل طاقت اور رہنمائی کا ذریعہ سمجھتے ہیں۔
