اسلام آباد، وزیر دفاع خواجہ آصف نے کہا ہے کہ امید ہے امریکی صدر ڈونلڈ ٹرمپ فلسطین میں امن اور دو ریاستی حل کے لیے بھی تاریخی کردار ادا کریں گے۔
سوشل میڈیا پلیٹ فارم ایکس پر اپنے بیان میں خواجہ آصف نے صدر ٹرمپ کے آذربائیجان اور آرمینیا کے درمیان امن معاہدہ کرانے میں کردار کو قابلِ تحسین قرار دیا اور کہا کہ ٹرمپ روس اور یوکرین کے درمیان بھی امن قائم کروا سکتے ہیں۔
انہوں نے یاد دلایا کہ پاکستان اور بھارت کے درمیان جنگ بندی بھی صدر ٹرمپ کی کوششوں سے ممکن ہوئی تھی اور امریکی صدر نے روس کے ساتھ تعلقات بہتر بنانے کا بھی اشارہ دیا ہے۔
مودی بین الاقوامی مذاق بن چکے، اسرائیلی ریاست کی سازش برطانیہ نے کی، خواجہ آصف
خواجہ آصف نے کہا کہ صدر ٹرمپ کی کامیاب امن کوششیں تاریخ میں یاد رکھی جائیں گی اور یہ انسانیت کی خدمت کے مترادف ہیں، انہوں نے امید ظاہر کی کہ فلسطین میں بھی صدر ٹرمپ ایسا ہی کردار ادا کریں گے، جہاں معصوم شہری پائیدار امن کے لیے عالمی مداخلت کے منتظر ہیں اور دنیا صیہونی مظالم و فلسطینی نسل کشی کے خاتمے کی منتظر ہے۔
