وزیراعظم شہباز شریف کا اسرائیلی منصوبے پر سخت ردعمل، عالمی برادری سے فوری مداخلت کا مطالبہ

اسلام آباد، وزیراعظم شہباز شریف نے غزہ پر ناجائز کنٹرول کے اسرائیلی منصوبے کی شدید مذمت کرتے ہوئے کہا ہے کہ یہ اقدام فلسطینی عوام کے خلاف جاری جنگ میں خطرناک اضافہ ہے۔

ایک مذمتی بیان میں وزیراعظم نے کہا کہ اسرائیلی کابینہ کی فوجی کارروائیوں میں توسیع نہ صرف غزہ میں جاری انسانی بحران کو مزید سنگین بنا دے گی بلکہ خطے میں امن کے کسی بھی امکان کو ختم کر دے گی۔

شہباز شریف نے عالمی برادری پر زور دیا کہ وہ اسرائیل کی بلاجواز جارحیت کو فوری طور پر روکے، غزہ کے عوام تک انسانی امداد کی رسائی یقینی بنائے اور بے گناہ شہریوں کے تحفظ کے لیے مؤثر اقدامات کرے۔