21
لندن ، اولمپک گولڈ میڈلسٹ اور پاکستان کے جیولن تھرو اسٹار ارشد ندیم نے کہا ہے کہ پنڈلی کی سرجری کے بعد اب وہ خود کو بہتر محسوس کر رہے ہیں اور ورلڈ ایتھلیٹکس چیمپئن شپ کی تیاری کر رہے ہیں۔
کیمبرج میں ہوئی سرجری کے بعد اپنے بیان میں ارشد ندیم کا کہنا تھا کہ اُن کے فزیو تھراپسٹ نے بھی ریکوری پر اطمینان کا اظہار کیا ہے اور ان کی ری ہیب بھی کامیابی سے مکمل ہو چکی ہے۔
ارشد ندیم نے بتایا کہ انہوں نے دوبارہ تھرو پریکٹس کا آغاز کر دیا ہے اور ان کی فٹنس تسلی بخش ہے۔ اُن کا کہنا تھا کہ ستمبر میں ہونے والی ورلڈ ایتھلیٹکس چیمپئن شپ کے لیے بھرپور تیاری کر رہے ہیں۔
انہوں نے قوم سے دعا کی اپیل کرتے ہوئے کہا کہ امید ہے کہ میں چیمپئن شپ میں پاکستان کے لیے اچھا پرفارم کروں گا۔
