1K
کراچی: موٹر سائیکل صارفین کے لیے خوشخبری، اٹلس ہونڈا نے پاکستان میں CG 150 کے نام سے نئی 150cc کیٹیگری کی موٹر سائیکل متعارف کرا دی ہے، جو اپنی جدید خصوصیات اور طاقتور انجن کی بدولت صارفین کو متاثر کرنے کی صلاحیت رکھتی ہے۔
کمپنی کے مطابق CG 150 کی ایکس فیکٹری قیمت 4,59,900 روپے مقرر کی گئی ہے۔ اس کا ڈیزائن مشہور CG 125 سے مشابہ ضرور ہے، مگر نئی موٹر سائیکل میں کئی جدید اور نمایاں فیچرز شامل کیے گئے ہیں:
- LED ہیڈلائٹس، جو رات میں بہتر ویژن فراہم کرتی ہیں
- کروم فینڈرز، جو اسے ایک پریمیئم اور دلکش لک دیتے ہیں
- الائے ویلز، جو اس کی اسٹیبلٹی اور اسٹائل کو بہتر بناتے ہیں
- طاقتور 150cc انجن، جو رفتار اور پاور کے شوقین افراد کے لیے موزوں ہے
یہ نیا ماڈل ان صارفین کے لیے پرکشش ثابت ہو سکتا ہے جو CG 125 کی کلاسک اسٹائلنگ کو پسند کرتے ہیں لیکن مزید پاور اور جدید فیچرز کی تلاش میں ہیں۔
اٹلس ہونڈا کی جانب سے اس موٹر سائیکل کو ملک کے مختلف شورومز پر جلد دستیاب کر دیا جائے گا، اور کمپنی کو توقع ہے کہ CG 150 پاکستان کی 150cc مارکیٹ میں ایک مضبوط مقام حاصل کرے گی۔
