لاہور کی حالیہ بارش نے نہ صرف موسم کو خوشگوار بنایا بلکہ قومی کرکٹ ٹیم کے اسٹارز بابر اعظم اور نسیم شاہ کو بھی بچپن کی یادوں میں واپس لے گئی۔ دونوں کھلاڑیوں کی بارش میں کھیلتے ہوئے ویڈیو نے سوشل میڈیا صارفین کے دل جیت لیے۔
فاسٹ باؤلر نسیم شاہ نے فوٹو اینڈ ویڈیو شیئرنگ پلیٹ فارم انسٹاگرام پر ایک اسٹوری شیئر کی، جس میں وہ اور سابق کپتان بابر اعظم بارش سے بچانے کے لیے پچ پر بچھی ہوئی چادر پر بچوں کی طرح پھسلتے نظر آ رہے ہیں۔ یہ مناظر دیکھتے ہی دیکھتے مختلف پلیٹ فارمز پر وائرل ہو گئے اور شائقین نے خوب دلچسپ تبصرے کیے۔
ویڈیو میں دونوں کرکٹرز کو قہقہے لگاتے، پھسلتے اور خوشی سے جھومتے ہوئے دیکھا جا سکتا ہے، گویا لمحاتی طور پر وہ قومی ذمہ داریوں سے ہٹ کر بچپن کی معصوم خوشیوں میں کھو گئے ہوں۔
View this post on Instagram
شائقینِ کرکٹ نے اس ویڈیو پر مثبت ردِعمل دیا ہے اور دونوں کھلاڑیوں کے اس بے ساختہ انداز کو سراہتے ہوئے تبصرے کیے ہیں کہ "یہی وہ جذبہ ہے جو کھیل کو دل سے کھیلنے والوں میں ہوتا ہے”۔ متعدد صارفین نے دعا کی کہ بابر اعظم اور نسیم شاہ جلد مکمل فٹ ہو کر بھرپور انداز میں قومی ٹیم کا حصہ بنیں۔
یاد رہے کہ دونوں کھلاڑی حالیہ دنوں میں آرام یا بحالی کے عمل سے گزر رہے ہیں، اور ان کی میدان میں واپسی کا شائقین شدت سے انتظار کر رہے ہیں۔
