شاہ رخ خان فلم کی شوٹنگ کے دوران زخمی، علاج کے لیے امریکہ روانہ

بالی ووڈ کے معروف اداکار شاہ رخ خان اپنی نئی فلم "کنگ” کی شوٹنگ کے دوران زخمی ہو گئے، جس کے بعد وہ علاج کے لیے امریکہ روانہ ہو گئے ہیں۔

بھارتی میڈیا رپورٹس کے مطابق واقعہ ممبئی میں فلم کی شوٹنگ کے دوران پیش آیا، جب ایک بڑے ایکشن سین کے دوران شاہ رخ خان کو کمر پر چوٹ لگی۔ اگرچہ چوٹ کی نوعیت شدید نہیں بتائی گئی، تاہم احتیاطی تدابیر کے طور پر انہیں مزید علاج کے لیے امریکہ منتقل کیا گیا ہے۔

مقامی ڈاکٹروں نے شاہ رخ خان کو کم از کم ایک ماہ کے آرام کا مشورہ دیا ہے۔ چوٹ کی وجہ سے ان کی فلم کی شوٹنگ کا شیڈول متاثر ہونے کا خدشہ ہے، اور فلم "کنگ” کی ریلیز میں ممکنہ تاخیر بھی متوقع ہے۔

شاہ رخ خان کے مداح ان کی جلد صحتیابی کے لیے نیک تمناؤں کا اظہار کر رہے ہیں، جبکہ فلمی حلقوں میں بھی ان کی غیرموجودگی کو ایک بڑا خلاء قرار دیا جا رہا ہے۔