کڑیانوالہ میں ڈاکوؤں کا ناکہ 3 راہگیر لٹ گئے

گجرات کے قصبہ کڑیانوالہ میں بھوجپور گاؤں کے قریب نامعلوم مسلح ڈاکوؤں نے ناکہ لگا کر تین راہگیروں کو لوٹ لیا۔ متاثرہ افراد کا تعلق کوٹلی ویداں اور ریلہ سے ہے۔

تفصیلات کے مطابق، ڈاکوؤں نے امیر حمزہ ساکن کوٹلی ویداں سے 10 ہزار روپے نقدی اور موبائل فون، جبکہ صداقت علی اور امان اللہ ساکنانِ ریلہ سے 60 ہزار روپے نقدی اور موبائل فونز چھین لیے اور فرار ہو گئے۔

واردات کے بعد پولیس تھانہ کڑیانوالہ نے مقدمہ درج کر کے تفتیش کا آغاز کر دیا ہے۔