اداکارہ میرا کی نئی ویڈیو نے مداحوں کو تشویش میں ڈال دیا

لاہور، معروف فلم اسٹار میرا ایک بار پھر سوشل میڈیا پر موضوعِ بحث بن گئی ہیں، لیکن اس بار ان کی شہرت کی وجہ کوئی فلم یا ڈرامہ نہیں بلکہ ایک ایسی ویڈیو ہے جو بیرونِ ملک سے وائرل ہوئی ہے۔

ویڈیو میں میرا کو ایک گاڑی چلاتے ہوئے دیکھا جا سکتا ہے، جہاں وہ ایک گانے کی دھن پر خود کو موبائل کیمرے سے ریکارڈ کر رہی ہیں، سوشل میڈیا پر گردش کرنے والی اس ویڈیو نے ان کے مداحوں اور ناقدین دونوں کی توجہ حاصل کر لی ہے۔

یہ بھی پڑھیں

بعض صارفین کا کہنا ہے کہ ویڈیو میں اداکارہ کافی تھکی ہوئی اور غیرمتوازن حالت میں نظر آتی ہیں، جس پر کئی افراد نے تشویش کا اظہار کیا ہے، متعدد سوشل میڈیا صارفین نے ان کے انداز پر سوال اٹھائے، جبکہ کچھ نے انہیں نشے کی حالت میں قرار دیتے ہوئے تنقید کی کہ ایک ذمہ دار شخصیت کو ایسا طرزِ عمل اختیار نہیں کرنا چاہیے۔

ایک صارف نے تبصرہ کیا کہ میرا جی کو یہ ویڈیو ہوش میں آ کر ڈیلیٹ کر دینی چاہیے، ایک اور صارف نے کہا کہ پیسے ضائع کرنے کے بجائے کسی مستحق کی مدد کریں، اس میں زیادہ خوشی ہے۔

تاحال اداکارہ میرا کی جانب سے اس وائرل ویڈیو یا تنقید پر کوئی ردِعمل یا وضاحت سامنے نہیں آئی ہے۔

تاہم، سوشل میڈیا پر بحث جاری ہے اور عوام کی نظریں اب میرا کے ممکنہ ردِعمل پر مرکوز ہیں۔