4 ہری پور، تربیلا ڈیم میں پانی کی سطح ڈیڈ لیول سے 28 فٹ بلند ہوگئی ہے۔
ہری پور، تربیلا ڈیم میں پانی کی سطح ڈیڈ لیول سے 28 فٹ بلند ہوگئی ہے۔
ڈیم کے ترجمان کا بتانا ہے کہ تربیلا ڈیم میں پانی کی سطح 1430.59 فٹ ریکارڈ کی گئی ہے، جبکہ ڈیم میں پانی کی آمد 41600 کیوسک اور اخراج 24300 کیوسک ہے۔
ترجمان نے بتایا کہ تربیلا ڈیم کے 17 پیداواری یونٹس میں سے 7 یونٹس بند ہیں، جبکہ 10 یونٹس سے 1312 میگاواٹ بجلی پیدا کی جارہی ہے۔
ترجمان کا بتانا ہے کہ تربیلا ڈیم کا ڈیڈ لیول 1402 فٹ ہے اور پانی ذخیرہ کرنے کی مکمل گنجائش 1550 فٹ ہے، تربیلا ڈیم کے پاور ہاؤس میں نصب 17 پیداواری یونٹس کی مجموعی صلاحیت 4888 میگاواٹ بجلی پیدا کرنے کی ہے۔
