صنم جاوید شوہر سمیت زیر حراست

لاہور، سوشل میڈیا ایکٹیوسٹ اور تحریک انصاف کی ایکٹو کارکن صنم جاوید کو شوہر سمیت گرفتار کرلیا گیا۔

پولیس کا بتانا ہے کہ صنم جاوید اور ان کے شوہر کو گرین ٹاؤن کے علاقے سے گرفتار کیا گیا ہے۔

پولیس کے مطابق صنم جاوید اور ان کے شوہر کو 9 مئی کے جلاؤ گھیراؤ کے مقدمات میں حراست میں لیا گیا ہے۔

یاد رہے کہ صنم جاوید پی ٹی آئی کی رہنما ہونے کیساتھ ان نمایاں خواتین میں شامل ہے، جو سوشل میڈیا پر اپنی پارٹی کے لحاظ سے کافی متحرک ہیں اور پارٹی کے حوالے سے کلیدی کردار ادا کررہی ہیں۔