پی ایس ایل میں تین بار فاتح ٹیم اسلام آباد یونائیٹڈ کو بڑا دھچکا لگ گیا۔
پاکستان سپر لیگ (پی ایس ایل) کے 10ویں ایڈیشن کے آغاز سے قبل ہی اسلام آباد یونائیٹڈ کیلئے بری خبریں آنے کا سلسلہ شروع ہوگیا ہے۔
اسلام آباد یونائیٹڈ نے ری پلیسمنٹ ڈرافٹ میں آسٹریلوی کرکٹر الیکس کیری کو جنوبی آفریقی بیٹسمین راسی وین ڈرڈیوسن کی جگہ پر شامل کیا تھا تاہم لیگ کے آغاز سے محض چند گھنٹے قبل آسٹریلوی ڈومیسٹک کرکٹ میں انکی ٹیم کے فائنل میں پہنچنے کے باعث وہ بھی ٹورنامنٹ میں شرکت سے دستبردار ہوگئے ہیں۔
تاہم فرنچائز نے تاحال انکے متبادل کے طور پر کسی غیر ملکی کھلاڑی کے نام کا اعلان نہیں کیا۔
دوسری جانب اسلام آباد یونائیٹڈ کی ٹیم کو آج افتتاحی میچ میں لاہور قلندرز کے چیلنج کا سامنا کرنا ہوگا۔
واضح رہے کہ پاکستان سپر لیگ (پی ایس ایل ) سیزن 10 کا میلہ سجنے کو تیار ہے جس کی افتتاحی تقریب آج راولپنڈی میں ہوگی, سیزن 10 کی افتتاحی تقریب کا آغاز شام 7 بجے راولپنڈی کرکٹ اسٹیڈیم میں ہو گا جس میں معروف گلوکار پرفارمنس کا جادو جگائیں گے۔
سیزن کے پہلے میچ میں دفاعی چیمپئن اسلام آباد یونائیٹڈ اور لاہور قلندرز پنڈی کرکٹ اسٹیڈیم میں آمنے سامنے ہوں گے۔
