کراچی: سابق پاکستانی کرکٹر شعیب ملک اور بھارتی ٹینس اسٹار ثانیہ مرزا کی علیحدگی کا معاملہ ایک بار پھر خبروں میں ہے۔ اس بار شعیب کی بہن کے چونکا دینے والے انکشافات نے معاملے کو نیا موڑ دے دیا ہے۔
شعیب ملک کی بہن کے مطابق، ثانیہ مرزا شعیب کے افیئرز سے تنگ آچکی تھیں اور اسی وجہ سے انہوں نے خلع لیا۔ شعیب ملک اور اداکارہ ثنا جاوید کی تیسری شادی کے وقت ان کے خاندان نے تقریب میں شرکت نہیں کی۔
بھارتی میڈیا میں بھی شعیب کی بہن کے انٹرویو کے چرچے ہو رہے ہیں، جس میں انہوں نے کہا کہ خاندان کے تمام افراد نے شادی میں شرکت نہ کرنے کا فیصلہ کیا تھا۔ اس بیان نے شعیب اور ثانیہ کی طلاق کی وجوہات سے متعلق قیاس آرائیوں کو مزید تقویت دی ہے۔
شعیب ملک کی شادیاں اور تنازعات
2010 میں پہلی بیوی عائشہ صدیقی سے علیحدگی کے بعد شعیب ملک نے اسی سال ثانیہ مرزا سے شادی کی تھی۔ تاہم، 2024 میں ثانیہ نے شعیب سے خلع لے لی، جس کی تصدیق ان کی بہن انعم مرزا نے انسٹاگرام پر کی تھی۔
جنوری 2024 میں شعیب ملک کی اداکارہ ثنا جاوید سے شادی کی تصاویر منظرعام پر آئیں، جس پر زبردست تنقید ہوئی۔ ان کی بہن کے مطابق، شعیب کے خاندان کے کسی فرد نے شادی میں شرکت نہیں کی، جس سے یہ تاثر مزید مضبوط ہو گیا کہ خاندان ثانیہ سے علیحدگی کے معاملے پر ناخوش تھا۔
کیا شعیب کے خاندان کو ان کی شادی پر اعتراض تھا؟
شعیب کی بہن نے واضح کیا کہ ان کے خاندان کے کسی فرد نے ثنا جاوید کے ساتھ شادی میں شرکت نہیں کی۔ ممکنہ طور پر اس کی وجہ ثانیہ سے علیحدگی پر خاندان کی ناراضگی ہو سکتی ہے۔
View this post on Instagram
اس سے پہلے شعیب ملک اور اداکارہ سیالی بھگت کے تعلقات کی بھی افواہیں آ چکی ہیں، جنہیں انہوں نے مسترد کر دیا تھا۔
شعیب ملک کی ذاتی زندگی ہمیشہ خبروں میں رہی ہے، اور ان کی شادیاں اور تنازعات عوام کی دلچسپی کا موضوع بنے رہتے ہیں۔ اب ان کی بہن کے تازہ بیانات نے معاملے کو مزید متنازع بنا دیا ہے۔
