جنوب مغربی ترکیہ میں ایمبولینس ہیلی کاپٹر کو پیش آنے والے حادثے میں 4 افراد جان کی بازی ہارگئے۔
وزارت صحت کی جانب سے جاری بیان میں بتایا گیا ہے کہ اس ہیلی کاپٹر نے مقامی وقت کے مطابق صبح کے قریب 2 پائلٹوں، ایک ڈاکٹر اور ایک طبی ورکر کو لے کر موغلا ٹریننگ اینڈ ریسرچ ہاسپٹل سے ٹیک آف کیا تھا۔
ٹیک آف کے فوری بعد یہ ہیلی کاپٹر اسپتال کی اوپری منزل سے ٹکرا گیا اور قریب موجود احاطے میں گر کر تباہ ہوگیا۔
افسوناک حادثے میں سوار تمام افراد جان کی بازی ہار گئے۔
مقامی حکام کا بتانا ہے کہ یہ ہیلی کاپٹر گزشتہ روز خراب موسم کی وجہ سے پرواز نہیں کرسکا تھا۔
22 دسمبر کی صبح اس نے انطالیہ جانے کی کوشش کی مگر شدید دھند کے باعث حادثے کا شکار ہوگیا۔
حادثے سے عمارت کے اندر یا زمین پر موجود کسی فرد کو نقصان نہیں پہنچا،حادثے کے فوری بعد امدادی ٹیمیں وہاں پہنچ گئی تھیں۔
وزارت صحت کی جانب سے 4 افراد کی ہلاکت کی تصدیق کی گئی ہے۔
حکام نے حادثے کی وجہ جاننے کے لیے تحقیقات شروع کر دی ہے۔
