چیمپئنز ٹرافی: پاک بھارت ٹاکرے کے اضافی ٹکٹس بھی فروخت

یہ بھی پڑھیں

آئی سی سی چیمپئنز ٹرافی کے دبئی میں ہونیوالے میچز کے اضافی ٹکٹس حاصل کرنے کیلئے شائقین کی دلچسپی عروج پر ہے۔

26 ہزار سے زائد شائقین کے درمیان آن لائن ٹکٹ خریدنے کے لیے ویب سائٹ پر کشمکش جاری ہے۔

بھارت اپنا پہلا میچ بنگلا دیش سے 20 فروری کو دبئی میں کھیلے گا جبکہ میگا ایونٹ کا سب سے بڑا مقابلہ پاکستان اور انڈیا کے درمیان میچ23 فروری کو دبئی میں ہوگا۔

بھارت گروپ کا اپنا آخری میچ 2 مارچ کو نیوزی لینڈ کے خلاف کھیلے گا، چیمپئنز ٹرافی کا پہلا سیمی فائنل دبئی میں 4 مارچ کو ہوگا ۔

آئی سی سی نے فینز کی دلچسپی کو مدنظر رکھتے ہوئے دبئی کے میچوں کے لیے اضافی ٹکٹوں کی فروخت کا اعلان کیا ہے ۔

آن لائن خریداری میں 20 سے 30 ہزار شائقین منتظر رہے لیکن پاک بھارت ٹاکرے کے اضافی ٹکٹس بھی فوراً فروخت ہوگئے،بنگلادیش، بھارت اور نیوزی لینڈ بھارت میچ کےلیے فی الحال ٹکٹس آن لائن موجود ہیں۔

شیئر کریں: