34
کراچی، پی ٹی آئی اور دیگر جماعتوں پر مشتمل اپوزیشن اتحاد تحریک تحفظ آئین پاکستان کے رہنماؤں کی جانب سےپیر پگارا سمیت جے ڈی اے قیادت سے ملاقات کی گئی۔
پی ٹی آئی اور اپوزیشن اتحاد کے رہنماؤں نے صوبائی دارلحکومت کراچی میں پیر پگارا صبغت اللّٰہ شاہ راشدی، جی ڈی اے رہنما صدر الدین شاہ راشدی سے ملاقات کی جس دوران اہم امور پر گفتگو کی گئی۔
اس موقع پر اسد قیصر کا کہنا ہے کہ جی ڈی اے نے ان کی دعوت قبول کی ہے، ملک بھر سے نمائندگی آئے گی کہ پاکستان کو کیسے بچانا ہے، ضرورت ہے کہ پوری قوم نکلے، پیپلز پارٹی نے بڑا مایوس کیا۔
سلمان اکرم راجاکا کہنا ہے کہ تحریک انصاف کی سیاست عوام کی سیاست ہے، پورے ملک میں لوگوں کے حقوق کی جنگ لڑیں گے۔
سربراہ تحریک تحفظ آئین پاکستان محمود خان اچکزئی کا کہنا ہے کہ پیر صاحب پگارا کا ایک مقام ہے، انہوں نے وطن کی آزادی کے لیے جدوجہد کی۔
جی ڈی اے رہنما صدر الدین شاہ راشدی کہنا ہے کہ تمام ایشوز پر کھل کر بات ہوئی، خواہش ہے ہم سب مل کر پاکستان اور آئین کو مضبوط کریں۔
