لاہور،چنگ چی اور لوڈر رکشہ چلانے والے ہو جائیں تیار،اب موٹرسائیکل رکشہ یا لوڈر رکشہ چلاتے ہوئے ہیلمٹ پہننا ہوگا۔
سی ٹی او لاہور کا بڑا فیصلہ سامنے آیا ہے جس میں یہ بتایا گیا ہے کہ بغیر ہیلمٹ لوڈر رکشہ اور چنگ چی چلانے والوں کے خلاف کارروائی کی جائے گی۔
سی ٹی او اطہر وحید کا اس متعلق یہ کہنا کہ سڑک پر آنے والے ہر ڈرائیور اور ہر شہری کے جان و مال کا تحفظ ہماری اولین ترجیح ہے، کمرشل وہیکلز بغیر فٹنس سرٹیفکیٹ لاہور میں سفر نہیں کر سکیں گی،14 انٹری ایگزٹ پوائنٹس پر نائٹ شفٹ میں بھی سٹاف تعینات کر دیا گیا۔
اطہر وحید کا کہنا ہے کہ ڈویژنل ایس پیز کی نگرانی میں سرکل آفیسر، انچارج سیکٹر ٹریفک سٹاف کےساتھ خصوصی طور پر انٹری ایگزٹ پوائنٹس پر موجود ہوں گے، لاہور میں ٹریفک کی بہتری کیلئے مزید اقدامات کئے جا رہے ہیں۔
دوسری جانب لاڑکانہ میں نامعلوم نقاب پوش نے تاجر کو فائرنگ کرکے زخمی کردیا۔
لاڑکانہ شہر میں 2 تاجروں کو گولیاں مارنے کا انتہائی افسوناک واقعہ پیش آیا ،جہاں نامعلوم نقاب پوش نے تاجر سنجےکمار سے لوٹ مار کیے بغیر فائرنگ کردی ،جس سے تاجر زخمی ہوگیا۔
