نارنگ منڈی، وفاقی وزیرصنعت اورپیداوار رانا تنویر حسین کا کہنا ہے کہ جنید اکبر خفگی مٹانے کے لیے فاشسٹ زبان کا استعمال کررہے ہیں۔
پنجاب کے علاقے نارنگ منڈی میں کارکنوں سے گفتگو کے دوران رانا تنویر حسین نے کہا کہ بانی پی ٹی آئی کی تمام تر تخریب کاری کے باوجود دوست ممالک پاکستان کے قریب آگئے، پاکستان بہتری کی طرف گامزن، پی ٹی آئی مثبت سیاست کرے۔
رانا تنویر حسین نے کہا کہ جنید اکبر خان وزیراعظم کے ذریعے چیئرمین پی اے سی بننے کی خفگی مٹانے کے لیے فاشسٹ زبان کا استعمال کررہے ہیں، سائفر سمیت کئی مقدمات اوپن کرنے کی ضرورت ہے۔
وفاقی وزیر نے کہا کہ عوام کو جلد انصاف کی فراہمی کے لئے اعلیٰ عدلیہ میں ججز لگائے جا رہے ہیں، خوارج بیرونی فنڈنگ سے ملک کو کمزور کرنے کے لیے کوشاں ہیں۔
رانا تنویر حسین نے کہا کہ امریکہ کیساتھ ہمارے اچھے تعلقات، دیگر ممالک کے ساتھ اقتصادی تنازع کے پاکستان پر کوئی منفی اثرات نہیں ہیں۔
رانا تنویر حسین نے کہا کہ وزیر اعلیٰ پنجاب مریم نواز صوبے میں بہترین کام کررہی ہیں، پنجاب مزید ترقی کرے گا۔
وفاقی وزیر کا مزید کہنا تھا کہ حقائق سامنے آنے پر تحریک انصاف کا چہرا عیاں ہے، احسن اقبال نے آکسفورڈ یونیورسٹی میں سخت پروپیگنڈا کا سدباب کیا، پی ٹی آئی کے زہریلے پروپیگنڈا نے نوجوانوں کو ورغلایا۔
