کم عمر مائیکرو سافٹ سرٹیفائیڈ ارفع کریم کا 30 واں یوم پیدائش آج منایا جا رہا ہے

تازہ ترین خبروں اور تبصروں کیلئے ہمارا وٹس ایپ چینل جوائن کریں

 

latest urdu news

فیصل آباد،دنیا کی کم عمر ترین مائیکرو سافٹ سرٹیفائیڈ ارفع کریم کا 30 واں یوم پیدائش آج منایا جا رہا ہے۔

ٹیکنالوجی کی دنیا میں تاریخ رقم کرنیوالی ارفع کریم فیصل آباد کے ایک گاؤں رام دیوالی میں 2 فروری 1995ء کو پیدا ہوئی ، کمال ذہانت اور صلاحیتوں کے بل بوتے پر ارفع کریم نے صرف 9 سال کی عمر میں 2004 میں مائیکروسافٹ سرٹیفائیڈ پروفیشنل بن کر سب کو حیران کر دیا۔

اس موقع پر ان کی بانی مائیکروسافٹ بل گیٹس کیساتھ ملاقات بھی ہوئی، ارفع کریم نے اپنے ملک میں تعلیم اور جدیدیت کے فروغ کیلئے کام کیا۔

ارفع کریم کی کامیابیوں کے اعزاز میں لائل پور میوزیم میں ان کی ذاتی اشیاء نمائش کیلئے رکھی گئی ہیں، جن میں وہ لیپ ٹاپ بھی شامل ہے جس پر انہوں نے مائیکروسافٹ سرٹیفکیشن حاصل کی ان کے ذاتی نوٹس دستاویزات اور دیگر اشیاء بھی میوزیم کا حصہ ہیں جنہیں دیکھ کر طلبہ میں بھی کچھ کر گزرنے کا جوش پیدا ہوتا ہے۔

منتظمین کا بتانا ہے کہ ارفع کریم کے زیر استعمال رہنے والی اشیاء لائل پور میوزیم کا حصہ ہونا نہ صرف اعزاز کی بات ہے بلکہ دیکھنے والوں کے لئے مشعل راہ بھی ہے۔

شیئر کریں:
frontpage hit counter