مریم نواز کے ہوتے ہوئے تھیٹرز کو فحاشی کا اڈا بنانے کی اجازت نہیں دی جائے گی ، عظمیٰ بخاری

تازہ ترین خبروں اور تبصروں کیلئے ہمارا وٹس ایپ چینل جوائن کریں

 

latest urdu news

لاہور،وزیراطلاعات پنجاب عظمیٰ بخاری کا کہنا ہے کہ وزیراعلیٰ مریم نواز کے ہوتے ہوئے تھیٹرز کو فحاشی کا اڈا بنانے کی اجازت نہیں دی جائے گی۔

وزیر اطلاعات پنجاب کی جانب سے تھیٹرز مالکان اور آرگنائزر سے اہم ملاقات کی گئی، جس میں عظمیٰ بخاری نے حکومتی پالیسی کو دو ٹوک انداز میں کھل کر بیان کیا۔

وزیر اطلاعات نے کہا کہ پنجاب میں ایسے تھیڑز ڈرامے بننے چاہیے جنہیں فیملیز دیکھنے آئیں، تھیڑز ڈرامے سماجی موضوعات پر مبنی ہونے چاہیے جس سے عوام کی رہنمائی ہوسکے۔

عظمیٰ بخاری نے کہا کہ جن تھیڑز مالکان اور اداکاروں کو فحاشی پھیلانے کا شوق ہے وہ پنجاب میں ڈرامہ نہیں کرسکتے، پنجاب کے تھیڑز دنیا بھر میں اپنی منفرد پہچان ہوتے تھے، تھیڑز کو فحاشی کی اڈے بنانے والوں کی اب کوئی جگہ نہیں ہے۔

وزیر اطلاعات کا کہنا ہے کہ پنجاب حکومت جلد تھیڑز کےلئے نئی قانون سازی کرنے جارہی ہے، تھیڑز مالکان فیملی ڈرامے بنائیں حکومت انکو مکمل سپورٹ کرے گی۔

سینئر ن لیگی رہنما نے کہا کہ سب تھیڑز کو آخری وارننگ دی جارہی ہے، جس تھیڑ نے رولز کی خلاف ورزی شوکاز نوٹس آئیں گے پھر جرمانہ ہوگا پھر لائسنس منسوخ ہوں گے،تھیڑ میں فحاشی اور بے حیائی پھلانے پر تھیڑ مالکان پر سخت برہمی کا اظہار کرتے ہوئے کہا کہ بے حیاتئی اور بے ہودگی پھیلانے والی اداکارؤں پر تاحیات پنجاب میں پابندی کا فیصلہ کیا گیا ہے جبکہ فحاشی پھلانے والے تھیڑز کے لائسنس کینسل بھی کیے جائیں گے۔

وزیر اطلاعات پنجاب نے پنجاب آرٹس کونسل کو تمام تھیڑز مالکان سے انڈرٹیکنگ لینے کی ہدایت کی اور حکم دیا کہ بیان حلفی کے بعد سیل شدہ تھیٹرز کھول دیے جائیں۔

 

شیئر کریں:
frontpage hit counter