ہفتہ, 8 فروری , 2025

القادر یونیورسٹی کو بند کرنے کی سازش ہورہی ہے ، سلمان اکرم راجہ

تازہ ترین خبروں اور تبصروں کیلئے ہمارا وٹس ایپ چینل جوائن کریں

 

latest urdu news

اسلام آباد،سیکرٹری جنرل سلمان اکرم راجہ کا کہنا ہے کہ القادر یونیورسٹی کو بند کرنے کی سازش ہورہی ہے۔

اسلام آباد میں کنول شوزب کے ہمراہ پریس کانفرنس کے دوران سلمان اکرم راجہ کا کہنا تھا کہ 190ملین پاؤنڈ کو بنیاد بنا کر حکومت کی جانب سے بڑی یلغار ہوئی، حقیقت پہلے بھی واضح تھی، اب بھی کھل کر سامنے آئے گی۔

سلمان اکرم راجہ نے کہا کہ1،2دن میں 190ملین پاؤنڈ فیصلے کو چیلنج کریں گے، ہم سوچ وفکر کی بنیاد پر لڑیں گے،ہم قانون کی جنگ بھی لڑیں گے اور اخلاق کی بھی۔

مرکزی سیکرٹری جنرل تحریک انصاف نے کہا کہ القادر یونیورسٹی بند کرنے کی سازش ہورہی ہے، یہ باقی یونیورسٹیوں کی طرح کا ایک ٹرسٹ ہے۔

26ویں آئینی ترمیم سے عدالتی نظام کمزور ہوا ، تمام حقیقت سامنے آچکی ہے ہم اعلیٰ عدلیہ سے رجوع کریں گے جبکہ سیاسی حوالے سے ہم ہر سطح پر مذاکرات کررہے ہیں۔

دوسری جانب رہنما پی ٹی آئی کنول شوزب کا کہنا تھا کہ9مئی کے بعد عمران خان کو ٹارگٹ کرکے 200 مقدمات بنائے گئے، من پسند ڈیل نہ ملنے پر عمران خان کو ہدف کا نشانہ بنایا جارہا ہے۔

کنول شوزب نے کہا کہ ملک میں پچھلے کچھ دنوں سے تماشہ لگا ہوا ہے، آپ سچ کو چھپا نہیں سکتے، بارہا جھوٹ بولتے ہیں۔

شیئر کریں:
frontpage hit counter