فیصل آباد،رہنمامسلم لیگ(ن) طلال چودھری کا کہنا ہے کہ سابق وزیراعظم عمران خان نے چوری چھپانے کے لیے القادر ٹرسٹ بنایا۔
اسلام آباد میں مسلم لیگ(ن)کےرہنما طلال چودھری کا میڈیا سےگفتگو کے دوران یہ کہنا تھا کہ القادرٹرسٹ کیس کا فیصلہ آنےوالا ہے۔
طلال چوہدری کا کہنا ہے کہ برطانوی ایجنسی نے190ملین پاؤنڈ کیس کی انکوائری کی، جو پیسے خزانے میں آنے تھے وہ کاروباری شخصیت کی جیب میں ڈال دیئے گئے ، بند لفافے میں معاہدہ کابینہ کےسامنےپیش کیا گیا۔
رہنما مسلم لیگ ن نے کہا کہ برطانیہ میں پس پردہ شہزاد اکبرنےکاروباری شخصیت سےملاقات کی، عمران خان اس سارےمعاملےمیں ملوث تھے،190ملین پاؤنڈ کےبدلے زمین حاصل کی گئی، 190ملین پاؤنڈ کی چوری کو چھپانے کے لیے القادر ٹرسٹ بنایا گیا۔
طلال چودھری کا کہنا ہے کہ تحریک انصاف کے دورمیں بنی گالہ منی گالہ بن گیا تھا، لین دین ہوتا رہا، بشریٰ بی بی لین دین اورکمیشن لیتی تھیں۔
دوسری جانب سربراہ عوام پاکستان پارٹی شاہد خاقان عباسی کا کہنا ہے کہ رول آف لاء کے بغیر ملک ترقی نہیں کرسکتا۔
تھنک فیسٹیول 2025 کے آخری روز شرکا سے گفتگو کے دوران سابق وزیر اعظم شاہد خاقان عباسی نے کہا کہ جہاں الیکشن چوری ہو گا وہاں سیاسی اور معاشی استحکام نہیں آئے گا، ہمیں آئین پر عمل کرنا ہو گا ۔