راولپنڈی،رہنما مسلم لیگ(ن)حنیف عباسی کا کہنا ہے کہ پی ٹی آئی والے راتوں کو معافی مانگتے ، صبح پریس کانفرنس کرتے ہیں۔
راولپنڈی میں کارکنوں سےخطاب کے دوران حنیف عباسی کا کہنا تھا کہ عمران خان نے ہمیشہ ذاتی مفاد کو قومی مفاد پرترجیح دی، پی ٹی آئی دورمیں کوئی ترقیاتی منصوبہ نہیں دیا گیا، وزیراعلیٰ پنجاب ترقیاتی منصوبوں کوترجیح دے رہی ہیں۔
حنیف عباسی نے کہا کہ ملک میں دشمن کی کوئی سازش کامیاب نہیں ہونے دیں گے، نوجوان نسل ملکی تعمیروترقی اورخوشحالی کے لیے آگے بڑھیں، عوامی خدمت کا سفرجاری رکھیں گے، عوام کوسہولیات کی فراہمی ہماری ترجیح ہے۔
رہنما مسلم لیگ ن نے کہا کہ حکومتی اقدامات سےملکی معیشت درست سمت میں گامزن ہے، سکیورٹی فورسز قیام امن کے لیے قربانیاں دے رہی ہیں، ایٹمی اورمیزائل پروگرام عوام کا ہے وہی اس کی حفاظت کریں گے۔
حنیف عباسی نے کہا کہ ملکی سالمیت پرکوئی سمجھوتہ نہیں کیا جائے گا، یہ سب کمپرومائزڈ ہیں، تحریک انصاف والے راتوں کو گڑگڑاتے اور معافی مانگتے ہیں اور صبح پریس کانفرنس کرتےہیں۔
دوسری جانب سینیٹر فیصل واڈا کا کہنا ہے کہ 190 ملین پاؤنڈ کی منظوری کے وقت خان صاحب کو منع کیا کہ اس پر مقدمہ ہوگا اور جیل کی سزا ہوگی، پہلے ہی بتایا تھا کہ اس کیس پر سزا ہوگی۔