پاکستان اور فورسز کو بدنام کرنے میں اڈیالہ کے قیدی کا کردار ہے ، کامران ٹیسوری

تازہ ترین خبروں اور تبصروں کیلئے ہمارا وٹس ایپ چینل جوائن کریں

 

latest urdu news

گورنر سندھ کامران ٹیسوری نے کہا کہ پاکستان اور فورسز کو بدنام کرنے میں اڈیالہ کے قیدی کا کردار ہے ، اسے معلوم ہونا چاہیے کہ اس سے ملک کا نقصان ہے۔

پہلی گورنرز سمٹ سے خطاب کے دوران کامران ٹیسوری کا کہنا ہے کہ اگر قیدی کو سمجھانے اڈیالہ جانا پڑا تو ملک کے لیے جائیں گے، گورنر ہاؤس سندھ میں تمام گورنرز کی موجودگی دلیل ہے کہ ریاست پہلے اور سیاست بعد میں ہے۔

گورنر پنجاب سردار سلیم حیدر کا کہنا ہے کہ آئین اور قانون کے تحت جو اختیارات ہیں وہ کسی کو نہیں دیں گے۔

گورنر خیبر پختونخوا فیصل کریم کنڈی نے کہا کہ وفاق اور صوبے کے درمیان پُل کا کردار ادا کرنا چاہتے ہیں۔

گورنر بلوچستان جعفر خان مندوخیل کا کہنا ہے کہ سب کا فرض ہے کہ ملک میں معاشی بہتری کے لیے کردار ادا کریں۔

گورنر گلگت بلتستان مہدی شاہ کی جانب سے امید ظاہر کی گئی کہ اس کانفرنس کے ذریعے مسائل حل کرنے میں مدد ملے گی ۔

شیئر کریں:
frontpage hit counter