23
اسلام آباد، ڈسٹرکٹ سیشن عدالت اسلام آباد نے بانی پی ٹی آئی عمران خان کے خلاف 6 اور بشری بی بی کے خلاف ایک مقدمہ میں عبوری ضمانتوں میں توسیع کر دی۔
ایڈیشنل سیشن جج محمد افضل مجوکہ کی جانب سے عبوری درخواست ضمانتوں پر سماعت کی گئی۔
سماعت کے دوران بشریٰ بی بی کے وکیل کی جانب سے آج حاضری سے استثنیٰ کی درخواست دائر کی گئی ،جسے عدالت نے منظور کر لیا، بشریٰ بی بی کی درخواست ضمانت پر فیصلہ نہ سنایا جا سکا۔
جونیئر وکیل کا کہنا ہے کہ سابق وزیراعظم عمران خان کے وکیل سلمان صفدر دوسرے کیس میں مصروفیات کے باعث پیش نہیں ہو سکتے۔
عدالت کی جانب سے سابق وزیراعظم عمران خان اور بشریٰ بی بی کی عبوری ضمانتوں پر سماعت 28 جنوری تک ملتوی کر دی گئی۔
