21
پولیتھین بیگز کے استعمال پر عائد پابندی پر سختی سے عملدرآمد کرانےکا فیصلہ کرلیا گیا۔
وفاقی حکومت کی جانب سے پولیتھین بیگز کے استعمال پر عائد پابندی پر سختی سے عملدرآمد کرانےکا فیصلہ کیاگیا ہے۔
وزارت موسمیاتی تبدیلی نے وفاقی وزارتوں اور محکموں کو بھیجے گئے مراسلے میں کہا ہے کہ پولیتھین بیگز پر پابندی کے اقدام پر عمل درآمد تیز کیا جائے۔
مراسلے کے مطابق وزارت موسمیاتی تبدیلی نے 2019 میں اسلام آباد میں پولیتھین بیگز کے استعمال پر پابندی عائد کی تھی، ایک مرتبہ استعمال ہونیوالے پولیتھین بیگز کے دوبارہ استعمال پر پابندی عائد کی گئی۔
وزارت موسمیاتی تبدیلی کا بتانا ہے کہ پولیتھین بیگز کے استعمال پر پابندی پلاسٹک ریگولیشنز 2003 کے تحت لگائی گئی، وفاقی وزارتیں اور محکمے پابندی کے حوالے سے ریگولیشنز پر سختی سے عمل کریں۔
