کراچی،پاکستان پیپلزپارٹی کی رہنما شازیہ مری کا کہنا ہے کہ پی پی واحد جماعت ہے جو ہمیشہ جمہوریت کے حصول اور آمریت کیخلاف کھڑی رہی۔
کراچی میں پریس کانفرنس کے دوران پی پی رہنما شازیہ مری نے کہا کہ کارکنان اپنی قائدشہید بینظیر بھٹو کو خراج عقید ت پیش کرنے آتے ہیں، یہی جیالے شہید بی بی کے مشن کو جاری وساری رکھیں گے۔
شہید محترمہ بینظیر بھٹو کی جدوجہد کا سب کو علم ہے، چیئرمین پیپلزپارٹی بلاول بھٹو نے اپنی تقریر میں کہا بی بی شہید محروم طبقے کی آواز تھیں۔
رہنما پیپلزپارٹی کاکہنا ہے کہ شہید بینظیر بھٹو ہر اس شخص کی آواز تھیں جس کو انصاف اور حقوق نہیں ملے، ہم نے شہید بینظیر بھٹو کی شکل میں ایک عظیم قائد کو کھویا ہے، ہم نےایک لیڈرنہیں اس آواز کو کھو دیا ہے،ان کی کمی شدت سے محسوس کی جاتی ہے ،شہید ذوالفقار علی بھٹو کو پھانسی دی گئی، شہید بینظیر بھٹو کو بندوق کا نشانہ بنایا گیا۔
شازیہ مری نے کہا کہ بےنظیرکوختم کرنیوالےان کےویژن کوختم نہیں کرسکے، محترمہ کو شہید کرنے والوں نے یہ نہیں سوچاہوگا کہ شہید کا مشن جیالے آگے لیکر چلیں گے، وہ لوگ بھٹو کو پھانسی دیتے وقت بھی غلط فہمی کا شکارتھے،محترمہ کو نشانہ بناتے وقت بھی،پیپلز پارٹی وہ واحد جماعت ہے جو جمہوریت کے حصول ،آمرانہ رویے کے خلاف کھڑی رہی۔
شازیہ مری کا کہنا ہے کہ شہید ذوالفقار علی بھٹو نے 90ہزار قیدی دشمن کی جیلوں سے آزاد کرائے، تنقید کرنیوالے تنقید کرتے رہے، دفاع کرنے والے نے پاکستان کیلئے دفاع کیا، شہید ذوالفقار علی بھٹو کے خلاف پوری دنیا میں سازش رچی گئی، تمام تر مخالف کے باوجود شہید بھٹو نے پاکستان کو ایٹمی پاور بنایا، شہید محترمہ بینظیر بھٹو نے پاکستان کو میزائل ٹیکنالوجی دی۔
