31
وزیراعظم کے مشیر برائے سیاسی امور رانا ثنا اللہ کی جانب سے بڑی پارٹیوں کے قائدین میں مذاکرات کی تجویز دیتے ہوئے کہا گیاکہ سابق وزیراعظم نواز شریف، آصف زرداری اور عمران خان ساتھ بیٹھ جائیں تو 70 سال کے مسائل 70 دن میں حل ہو جائیں۔
اپنے ایک بیان میں نواز شریف نے کہا دونوں مذاکراتی کمیٹیاں بھی اپنی جماعت کے ان ہی قائدین سے ہدایات لیتی ہیں۔
دوسری جانب خواجہ سعد رفیق نے ایک تقریب سے خطاب کے دوران کہا کہ پاکستان کے بحرانوں کی وجہ 3 طرح کی ریموٹ کنٹرول جمہوریت ہے، ایک فوجی کنٹرول، دوسرا جب سیاستدان بادشاہ بن جائیں اور تیسرا جب چند جج چیمبر یا گھر میں فیصلہ کریں کہ کون جیل جائے گا اور کون اگلا حکمران بنے گا۔
خواجہ آصف کا کہنا تھا یہ نہیں ہو سکتا کہ سیاستدان رگڑا کھاتا رہے اور فوج کا سابق سربراہ سارا کچھ کرکے گولف کھیلتا رہے۔
اسپیکر ایاز صادق کا کہنا ہے کہ قومی اسمبلی میں اپوزیشن کے بات کرنے پر کوئی روک ٹوک نہیں، اپنے مسائل کے ساتھ عوام کے مسائل پر بھی تو بات کریں۔
