آرمی چیف جنرل سید عاصم منیر نے کہا کہ شہداء پاکستان کا فخر ہیں،انکی قربانیاں کبھی فراموش نہیں کی جائیں گی۔
آئی ایس پی آر کا بتانا ہے کہ آرمی چیف نے جنوبی وزیرستان کے علاقے وانا کا دورہ کیا،وانا پہنچنے پر کور کمانڈر پشاور نے استقبال کیا، آرمی چیف کو سیکیورٹی صورتحال اور انسداد دہشتگردی کی جاری کارروائیوں پر بریفنگ دی گئی ۔
اس موقع پرآرمی چیف کی جانب سے افسران اور جوانوں سے بات چیت کی گئی ،دہشتگردی کیخلاف جنگ میں جوانوں کی ثابت قدمی کو سراہا ۔
قوم کی حمایت سےدہشتگردی کے خاتمے کیلئے پرعزم ہیں،ملک میں امن کا قیام یقینی بنایا جائے گا۔
آرمی چیف کی جانب سے فتنہ الخوارج کے مکمل خاتمے کے عزم کااعادہ کیا گیا ،مسلح افواج اور قانون نافذ کرنے والے ادارو ں کے جوان قوم کے حقیقی ہیرو ہیں،قوم کو جوانوں کی بہادری اور بے لوث لگن پر فخر ہے۔
مسلح افواج کی جرات اور غیر متزلزل عزم ملک کی خودمختاری کی بنیاد ہے،سہولت کار، تخریب کار اور فنانسر زکو ریاست مخالف سرگرمیوں کی قیمت چکانی پڑے گی۔
