دنیا میں طلاق کی شرح کس ملک زیادہ ہے ؟ ہوشربا انکشافات

یہ بھی پڑھیں

اسلام آباد ، دنیا میں طلاق کی شرح سب سے زیادہ امریکا، برطانیہ، جاپان، کینیڈا، سعودی عرب، بنگلہ دیش یاایران میں نہیں بلکہ ایک ایسے ملک میں ہے جہاں کی آبادی صرف 1 کروڑ 4 لاکھ اور 25 ہزار ہے۔

نجی ٹی وی چینل نے گلوبل انڈیکس کے اعداد و شمار کے حوالے سے بتایا کہ امریکا جیسے ملک میں طلاق کی شرح 45 فیصد ہے اور وہ اس فہرست میں 19 ویں نمبر پر ہے۔

کینیڈا میں بھی شرح اتنی ہی ہے،امریکا کے برعکس یورپی ممالک میں عام طور پر طلاق کی شرح سب سے زیادہ ہے۔

ورلڈ بینک اور او ای سی ڈی کا بتانا ہے کہ دنیا میں سب سے زیادہ طلاق کی شرح رکھنے والا ملک پرتگال ہے جہاں یہ شرح حیران کن طور 92 فیصد ہے۔

پرتگال کے بعد طلاق کی سب سے زیادہ شرح سپین میں ہے جو کہ 85 فیصد ہے اس کے بعد نمبر لکسمبرگ، فن لینڈ، بیلجیئم، فرانس اور سویڈن کا آتا ہے جہاں یہ شرح 50 فیصد ہے۔

ایشیائی ممالک میں بھی طلاق کی شرح میں کچھ برسوں سے بے پناہ اضافہ ہوا ہے لیکن اب بھی ان ممالک میں طلاق کی شرح یورپی ممالک سے کافی کم ہے۔