لاہور، مرکزی رہنما جے یو آئی (ف )عبدالغفورحیدری کا کہنا ہے کہ جب تک یہودی فلسطین میں ہیں تب تک امن قائم نہیں ہوسکتا۔
مولانا عبدالغفورحیدری کا فلسطین زندہ باد کانفرنس سے خطاب کے دوران کہنا تھا کہ فلسطین انبیا کی سرزمین ہے، فلسطین پراسرائیل نےسازش کےتحت قبضہ کیا ہوا ہے، فلسطینی مسلسل مزاحمت کر رہے ہیں۔
مولانا عبدالغفور حیدری کا کہنا تھا کہ جے یو آئی فلسطینیوں کےساتھ اظہاریکجہتی کررہی ہے، نیتن یاہونےغزہ کےمسلمانوں پرظلم کی انتہا کردی ہے، امریکا عالمی دہشت گرد ہے،جہاں بھی دہشت گردی ہوتی ہےپیچھےامریکا ہوتا ہے۔
مرکزی رہنما جے یو آئی( ف )نے کہا کہ52اسلامی ممالک آج تک فلسطین کا مسئلہ حل نہیں کراسکے، جب تک یہودی فلسطین میں تب تک امن قائم نہیں ہوسکتا۔
مولانا عبدالغفورحیدری کا کہنا ہے کہ مدارس بل پرہمارے بھائیوں کوٹی وی چینل پرلاکربٹھایا گیا، اگر وہ ہمارے ساتھ آتے ہیں تو بسم اللہ، ادھرجاتے ہیں توان کی مرضی، ہمارے موقف کواتفاق رائےسےتسلیم کیا گیا۔
رہنما جے یو آئی (ف) اگر یہ یوٹرن لیتے ہیں تو پھراسلام آباد میں انسانوں کا سمندر رخ کرے گا، ان کو ہماری قوت کا پتہ ہے،آج بلوچستان اورخیبرپختونخوا جل رہا ہے، ملک میں دہشت گردی کےواقعات بڑھ رہےہیں۔
