پاکستان تحریک انصاف (پی ٹی آئی) کی جانب سے اسپیکر قومی اسمبلی سردار ایاز صادق کی ملاقات کی دعوت قبول کر لی گئی ۔
نجی ٹی وی چینل سے گفتگو کے دوران پی ٹی آئی کے مرکزی سیکرٹری اطلاعات شیخ وقاص اکرم کی جانب سے اس بات کی تصدیق کی گئی کہ ہم نے اسپیکر ایاز صادق کی ملاقات کی دعوت قبول کرلی ہے۔
شیخ وقاص اکرم نے کل ہماری مذاکراتی کمیٹی ملاقات کے لیے جائے گی، ملاقات کی پیشرفت سے سابق وزیراعظم عمران خان کو آگاہ کیا جائے گا۔
شیخ وقاص اکرم نے کہا کہ سول نافرمانی تحریک مؤخر یا منسوخ کرنےکا فیصلہ عمران خان کریں گے، امید ہے کل حکومتی کمیٹی سنجیدگی کا مظاہرہ کرے گی، سابق وزیراعظم مستقبل کی حکمت عملی کا تعین کریں گے۔
واضح رہے کہ وزیراعظم شہباز شریف نے پی ٹی آئی سے مذاکرات کے لیے 8 رکنی کثیر الجماعتی کمیٹی تشکیل دی ہے جس ن لیگ کے علاوہ، پیپلز پارٹی، مسلم لیگ ق اور ایم کیو ایم کے نمائندے شامل ہیں۔
اسپیکر قومی اسمبلی سردار ایاز صادق کی جانب سے حکومت اور اپوزیشن کی کمیٹیوں کو ملاقات کے لیے کل بروز پیر اپنے چیمبر میں بلایاگیا ہے۔
