24
لاہور ، سکیورٹی گارڈز نے گھر سے باہر آنیوالے پالتو شیر کو مار ڈالا۔
لاہور کے علاقے ہربنس پورہ میں سکیورٹی گارڈز نے گھر سے باہر آنیوالے پالتو شیر کو مار ڈالا ۔
پولیس کا بتانا ہے کہ ہربنس پورہ کی ایک ہاؤسنگ اسکیم میں علی عدنان نامی شخص نے اپنے ڈیرے پر شیر پال رکھا تھا۔
پولیس کا بتانا ہے کہ یہ شیر ڈیر ے سے باہر نکل کرسڑک پر آگیا جسے دیکھ کر لوگ خوف زدہ ہوگئے۔
خوف زدہ شہریوں نے فوری15 پر پولیس کواطلاع دی، اسی دوران ہاؤسنگ اسکیم کے سکیورٹی گارڈز نے فائرنگ کرکے شیر کو ڈھیر کردیا۔
اطلاع ملنے پر پولیس اور وائلڈ لائف کی ٹیمیں بھی موقع پر پہنچ گئیں، پولیس کی جانب سے مزید کارروائی جاری ہیں ۔
