25
پشاور، مرکزی سیکرٹری اطلاعات پی ٹی آئی شیخ وقاص اکرم نے کہا کہ وفاقی حکومت غیر سنجیدہ ہے، کل سے سول نافرمانی کی تحریک شروع کریں گے۔
نجی ٹی وی چینل سے گفتگو کے دوران رہنماسیکرٹری اطلاعات پی ٹی آئی شیخ وقاص اکرم کا کہنا تھا وفاقی حکومت مذاکرات کے معاملے پر غیر سنجیدہ ہے، تاحال حکومت کی جانب سےمذاکراتی کمیٹی بھی قائم نہیں کی گئی۔
شیخ وقاص اکرم نے کہا کہ حکومت معاملات بہتری کی طرف نہیں لےکر جانا چاہتی، کل سے سول نافرنی کی مرحلہ وار تحریک شروع ہو گی۔
شیخ وقاص نے کہا کہ مذاکرات سے متعلق بات کرنے پر اسپیکر کا شکر گزار ہوں لیکن ہم درخواست گزار نہیں کہ اسپیکر قومی اسمبلی کے پاس درخواست جمع کرائیں۔
واضح رہے کہ عمران خان کی بہن علیمہ خان نے گزشتہ روز اڈیالہ جیل میں سابق وزیراعظم سے ملاقات کے بعد میڈیا سے گفتگو کرتے ہوئے کہا تھا کہ عمران خان نے کہا کہ حکومت کا 9 مئی اور 26 نومبر کے واقعات پر کمیشن بنانے کا ارادہ نہیں ہے، کل سے ترسیلات زر نہ بھیجنے کی کال پر عمل کیا جائے۔
