بانی پی ٹی آئی اور سابق وزیراعظم عمران خان کی بہن علیمہ خان کا کہنا تھا کہ عمران خان نے کہا ہے کہ حکومت کا کمیشن بنانے کا ارادہ نہیں ہے، کل سے ترسیلات زر نہ بھیجنے کی کال پر عمل شروع کردیا جائے۔
اڈیالہ جیل کے باہر گفتگو کے دوران علیمہ خان نے کہا کہ جب یہاں سے سزا ہوتی ہے تو ہائی کورٹ سے ریلیف مل جاتا ہے اور القادر ٹرسٹ کا کیس ہائیکورٹ جائے گا جس میں 6 مہینے لگ سکتے ہیں ، اگلے 3 سے 4 مہینے تو بانی پی ٹی آئی پکے جیل میں رہیں گے۔
علیمہ خان کا کہنا کہ جو 26 نومبر کو احتجاج میں گرفتار ہوئے ان پر مزید مقدمات بنائے جارہے ہیں۔
عمران خان کی بہن کا کہنا تھا کہ سابق وزیراعظم کے 2 مطالبات ہیں لیکن حکومت کی نیت نہیں کہ لوگوں کو رہا کیا جائے ، اگر حکومت نے کل تک 9 مئی اور 26 نومبر پر کمیشن بنانے کا مطالبہ نہ مانا تو ترسیلات زر نہ بھیجنے کی کال پر عمل شروع ہوجائے گا۔
عمران خان کی بہن کا کہنا تھا کہ سابق وزیراعظم نے کہا ہے کہ حکومت کا کمیشن بنانے کا ارادہ نہیں ہے، کل کال پر عمل شروع کردیا جائے۔
واضح رہے کہ گزشتہ دنوں عمران خان نے حکومت سے مذاکرات کیلئے سول نافرمانی کی کال چند روز مؤخر کرنے کا اعلان کیا تھا، ہمارے مطالبات نہ مانے گئے تو دوبارہ سول نافرمانی کی کال دے دوں گا۔
