اسلام آ باد،وفاقی حکومت کی جانب سے سابق وزیراعظم عمران خان کے خلاف بڑی کارروائی شروع کرنےکا اصولی فیصلہ کر لیا گیا۔
بانی پی ٹی آئی عمران خان کےخلاف وفاقی حکومت کی خصوصی کمپلینٹ پرکارروائی کا منصوبہ تیارکیا گیا ہے، عمران خان کےخلاف پاکستان پینل کوڈ کے تحت فوجداری مقدمہ درج کرنے کا فیصلہ کیا گیا۔
بانی پی ٹی آئی پرسوشل میڈیا کے ذریعےلوگوں کو ریاست اور اداروں کے خلاف بغاوت پر اکسانے کے الزامات ہیں۔
اعلیٰ حکومتی ذرائع کا بتانا ہے کہ عمران خان کے خلاف کارروائی شروع کرنےکی منظوری وفاقی کابینہ سے لی جائے گی اور وزارت داخلہ کو وفاقی کابینہ کیلئے سمری تیار کرنے کا ٹاسک دے دیا گیا ہے۔
ایف آئی اے سائبر کرائم ونگ کی جانب سے بانی پی ٹی آئی عمران خان کے خلاف انکوائری کی گئی، جس کے بعد کارروائی شروع کرنے کا فیصلہ ہوا۔
وفاقی کابینہ کی منظوری کے بعد انسداد دہشتگردی کی خصوصی عدالت میں عمران خان کا ٹرائل کرنے کا منصوبہ ہے۔
ذرائع کے مطابق عمران خان کے خلاف پاکستان پینل کوڈکے چیپٹر 6 اور 9 اے اور دیگر متعلقہ سیکشنز کے تحت کارروائی شروع کرنے کا پلان بنایا گیا ہے۔
