لاہور، وفاقی وزیر اطلاعات عطا تارڑ کا کہنا ہے کہ سابق وزیراعظم عمران خان کی سول نافرمانی کی کال مضحکہ خیز ہے، یہ بھی بری طرح سے ناکام ہو گی۔
وفاقی وزیر اطلاعات عطا تارڑ نے کرسمس تقریب سے خطاب کے دوران یہ کہا کہ مسیحی برادری ہمارے معاشرے کا اہم حصہ ہےاور آج ہم جو کچھ ہیں اس ملک کی بدولت ہیں، اقلیتی برادری کی نمائندگی کرنے پرباعث فخر ہے ۔
وزیر اطلاعات کا کہنا تھا کہ انتشار اور تقسیم کی سیاست کا انکار کرنا ہےجبکہ ملکی ترقی کے لیے سب نے اپنا کردار ادا کرنا ہے۔ ہمارے ملک کے لیے مسیحی برادری کی قربانیاں قابل تحسین ہیں۔
عطا تارڑ کا کہنا تھا کہ اقلیتی برادری کو تمام بنیادی سہولیات فراہم کی جائیں گی اور اقلیتی برادری کے حقوق کے لیے آواز اٹھاتا رہوں گا۔
وزیر اطلاعات نے پی ٹی آئی پر تنقید کرتے ہوئے کہا کہ لاشوں کی سیاست کا جھوٹا بیانیہ بنایا جا رہا ہے اور عمران خان کی سول نافرمانی کی کال مضحکہ خیز ہے،سول نافرمانی کی کال بھی بری طرح ناکام ہو گی۔
وفاقی وزیر اطلاعات نے کہا کہ پی ٹی آئی والےاحتجاج کے دوران فرار ہوئے ہیں اور عمران خان کا اب کوئی مستقبل نہیں، مہنگائی کم ہو کر اب 4 فیصد پر آگئی ہے۔
