کراچی،عدالتی احکامات کے مطابق کراچی سمیت سندھ کے 8 مقامات پرمیڈیکل اور ڈینٹل کالجز کے داخلہ ٹیسٹ آج دوبارہ ہو رہے ہیں۔
سندھ کے میڈیکل کالجز میں داخلوں کیلئے آئی بی اے سکھر کے زیرِ انتظام ایم ڈی کیٹ کا انعقاد کیا جا رہا ہے، صوبے میں قائم 7 امتحانی مراکز میں بیک وقت پرچہ جاری ہے، صوبے بھر میں مجموعی طور پر 38 ہزار سے زائد طلبہ امتحان میں حصہ لے رہے ہیں۔
کراچی میں جامعہ کراچی اور جامعہ این ای ڈی میں ٹیسٹ کی نگرانی وائس چانسلر آئی بی اے ڈاکٹر آصف شیخ کر رہے ہیں۔
آصف شیخ نے میڈیاکے سامنے بڑے صندوقوں سے پرچہ نکالا اور بتایا کہ پرچہ سیل ہے اور اس کا کوئی حصہ آؤٹ نہیں ہوا، بکس بند گاڑی میں لائے گئے جس کی نگرانی کیمرے کر رہے تھے اور پولیس بھی ساتھ موجود تھی۔
واضح رہے کہ عدالت کی جانب سے 26 اکتوبر کے ٹیسٹ کو پیپرلیک ہونے پر جعلی قرار دیا گیا تھا۔
دوسری جانب سفاری پارک میں موجود ہتھنی سونیا مرگئی۔
ذرائع سفاری پارک کے مطابق ہتھنی سونیا کی عمر 22 سے 23 سال کے درمیان تھی، سونیا کی موت گزشتہ رات ہوئی، صبح عملہ پہنچا تو ہتنھی مر چکی تھی ۔
