53
گلگت بلتستان میں پاک فوج کی جانب سے فری لانسنگ ہب کا قیا م عمل میں آگیا۔
غذر، گلگت بلتستان کے علاقے گوپس میں پاک فوج اور ایس سی او کی جانب سے فری لانسنگ ہب کا قیام عمل میںآگیا ۔
پاک فوج نے گلگت بلتستان، غذر کے عوام کیلئے ایک نایاب تحفہ پیش کیاہے، ایس سی او کی جانب سے گورنمنٹ بوائز ہائی سکول گوپس میں فری لانسنگ ہب قائم کیا گیا ہے۔
سکول کے پرنسپل عمر جان کی جانب سے پاک فوج کے احسن اقدام کو سراہتے ہوئے یہ کہا گیا ہے کہ نوجوانوں کی ضروریات کو مد نظر رکھتے ہوئے ایک بہترین فری لانسنگ ہب بنایا گیا ہے۔
گوپس میں پہلی بار ایک ایسا فری لانسنگ ہب قائم ہوا ہے، جہاں بچے آن لائن بزنس، فری لانسنگ اور ڈیجیٹل مارکیٹنگ سیکھیں گے۔
پرنسپل کا کہنا تھا کہ ایسے فری لانسنگ ہب وقت کی اہم ضرورت ہیں، اس ہب کے ذریعے نوجوانوں کیلئے روزگار کے مواقع قائم ہوں گے، سکول کے بچوں کو اس ہب سے بہت کچھ سیکھنے کو ملےگا ۔
