29
وزیر اعلیٰ پنجاب مریم نواز شریف کے دورہ لندن کی تفصیلات سامنے آ گئیں۔
وزیراعلیٰ مریم نواز کی 5 نومبربروز منگل کو لندن روانگی متوقع ہے۔
مسلم لیگ (ن) کے ذرائع کا کہنا ہے کہ مریم نواز کافی عرصے سے گلے میں انفیکشن کا شکار ہیں، وہ اپنے ذاتی معالج سے علاج کرائیں گی ، مریم نواز شریف کے گلے میں انفیکشن کی وجہ سے ڈاکٹرز کی ہدایت پر آپریشن کا بھی امکان ہے۔
ذرائع کے مطابق مریم نواز کا دورہ لندن ایک ہفتے پر محیط ہو گا، وزیراعلیٰ کا وزارت اعلیٰ کا منصب سنبھالنے کے بعد یہ پہلا غیر ملکی دورہ ہو گا، نواز شریف اور مریم نواز کا لندن سے اکٹھے وطن واپس آنے کا امکان ہے۔
