ٹماٹر اور پیاز کی قیمتوں میں اضافہ ہوگیا۔
کوئٹہ، سبزیوں کی قیمتیں مزید بڑھ گئیں، صوبائی دارالحکومت میں ٹماٹر اور پیاز کی قیمتوں میں ہوشربا اضافہ دیکھنے میں آیا ہے۔
تفصیلات کے مطابق ٹماٹر فی کلو 2 سو سے ڈھائی سو روپے میں فروخت ہو رہا ہے، پیاز کی فی کلو میں 70 روپے کا اضافہ ہونے سے قیمت 150 روپے کلو تک پہنچ گئی۔
ڈیلرز کے مطابق بلوچستان کے سرد علاقوں میں سبزی سیزن ختم ہونے کے باعث قیمتوں میں اضافہ دیکھنے میں آیا ہے، ڈیلرز نے آنیوالے دنوں میں سبزی کی قیمتوں میں مزید اضافے کے امکان کا اظہار کیا ہے۔
واضح رہے کہ پاکستان میں ضروری اشیاء کی قیمتوں میں ہفتہ وار بنیادوں پر 0.28 فیصد اور سالانہ بنیادوں پر 15.02 فیصد کا اضافہ دیکھنے میں آیا ہے۔
پاکستان ادارہ برائے شماریات کی جانب سے قیمتوں کے حساس اشاریہ بارے ہفتہ وار رپورٹ (ایس پی آئی) کے مطابق 17 اکتوبر کو ختم ہونیوالے ہفتہ میں پاکستان میں 9 ضروری اشیاء کی قیمتوں میں کمی اور 23 کی قیمتوں میں استحکام رہا۔