102
اسرائیل، لبنان پر فضائی حملے تاحال جاری ہیں اور تازہ ترین حملوں میں 5 ہیلتھ ورکرز جان کی بازی ہار گئے۔
غیر ملکی میڈیا کے مطابق اسرائیلی فوج نے جنوبی لبنان میں حزب اللہ کیساتھ جاری لڑائی میں ریزرو فوجی کی ہلاکت کی تصدیق کرتے ہوئے یہ بتایا کہ حزب اللہ کیساتھ جھڑپوں میں ایک فوجی زخمی ہوا ہے۔
اسرائیلی فوج کی جانب سے جنوبی لبنان میں فضائی حملے میں حزب اللہ کے 2 کمانڈرز کے مارے جانے کا دعویٰ کیا گیا ہے، اسرائیلی فوج کا کہنا ہے کہ مارے گئے حزب اللہ کمانڈر احمد مستغیٰ اور محمد علی حمدان شمالی اسرائیل پر حملوں میں ملوث تھے۔
اسرائیلی فوج کی جانب سے گزشتہ رات جنوبی لبنان اور بیروت میں حزب اللہ کے ہتھیاروں کے ذخیرے پر حملے کا دعویٰ بھی کیا گیا ہے۔
دوسری جانب اسرائیل کے لبنان پر فضائی حملے میں 5 پیرا میڈکس بھی جان کی بازی ہار گئے۔
