69
کراچی، ائیرپورٹ سگنل پر دھماکہ کرنیوالے حملہ آور کی تفصیلات سامنے آگئیں۔
تفتیشی حکام کا کہنا تھا کہ حملہ آور نے نوشکی کے سرکاری اسکول سے 2016 میں میٹرک کیا اور منڈی بہاوالدین کے ٹیکنیکل کالج سےسول انجینئرنگ کا ڈپلومہ حاصل کیا۔
تفتیشی حکام کے مطابق حملہ آور نے لسبیلہ یونیورسٹی آف ایگریکلچرمیں بی بی اے میں داخلہ لیا۔
دوسری جانب کراچی ائیرپورٹ سگنل دھماکے میں اس سے پہلے آج دیگر اہم تفصیلات بھی سامنے آئی تھیں جس کے مطابق تفتیشی حکام نے 6 مشکوک نمبرز کا ڈیٹا حاصل کرلیا ہے جب کہ 9 مشکوک افراد کو بھی گرفتار کرلیا گیا ہے۔
یاد رہے کہ 6 اکتوبر کی رات کراچی ائیرپورٹ کے قریب غیر ملکیوں کے قافلے پر خودکش حملہ کیا گیا تھا جس میں 2 چینی شہریوں سمیت 3 افراد ہلاک ہوئے تھے۔
