95
کراچی، سندھ ہائیکورٹ کی جانب سے بجلی کے بلوں میں ٹیکس وصولی کے خلاف درخواست مسترد کردی گئی۔
سندھ ہائیکورٹ میں دوران سماعت کے الیکٹرک کے وکیل کا کہنا تھا کہ ایڈوانس ٹیکس، اِنکم ٹیکس دینے والے صارفین پر نافذ نہیں ہوتا، اگر درخواست گزار انکم ٹیکس ادا کرتے ہیں تو ہم سے رابطہ کرلیتے ہیں۔
وکیل کے الیکٹرک کے مطابق بجلی ایک قابل فروخت چیز ہے جس پر ٹیکس لگتے ہیں جب کہ فیول ایڈجسٹمنٹ تیل کی قیمتوں کے مطابق ریگولیٹ ہوتے ہیں۔
اس پر عدالت کا کہنا تھا کہ فیول ایڈجسٹمنٹ متعدد ماہ بعد ہوتے ہیں، اگر کوئی کرایہ دار ہے تو یہ فیول ایڈجسٹمنٹ اس کی حق تلفی ہے۔
عدالت کی جانب سے درخواست گزار سے سوال کیا گیا کہ فنانس ایکٹ کے تحت ٹیکس کا نفاذ کیا جاتا ہے، آپ نے فنانس ایکٹ چیلنج کیا؟
اسکے بعد سندھ ہائیکورٹ نے بجلی کے بلز میں ٹیکس وصولی کے خلاف درخواست کو مسترد کردیا اور کہا کہ درخواست مسترد کرنے کی وجوہات بعد میں جاری کی جائیں گی۔
