72
معروف بالی ووڈ سپر اسٹار گووندا گولی لگنے سے زخمی ہوگئے۔
ممبئی، معروف بالی ووڈ سپر سٹار گووندا کو گھر پر اپنے ہی ریوالور سے گولی لگ گئی جس کے نتیجے میں وہ زخمی ہوگئے۔
غیر ملکی میڈیا کے مطابق یہ واقعہ منگل کی صبح پیش آیا جب 60 سالہ سپر اسٹار اور سیاسی جماعت شیو سینا کے رہنما واقعے کے وقت اپنے جوہو والے گھر میں تنہا تھے۔
اداکار کے منیجر ششی سنہا کی جانب سے ابتدائی بیان میں یہ بتایا گیا ہے کہ ہمارا کولکتہ میں ایک شو تھا اور صبح 6 بجے کی فلائٹ تھی، میں ایئرپورٹ پہنچ چکا تھا اور گووندا نکل رہے تھے، جب غلطی سے گولی چل گئی اور انکی ٹانگ پر لگ گئی۔
ششی سنہا کا کہنا تھا کہ ریوالور الماری میں رکھنے کے دوران گرگیا تھا اور غلطی سے فائر ہوگیا، گووندا جی کو صرف 1 ٹانگ پر چوٹ آئی اور ان کا زخم گہرا نہیں ہے۔
منیجر کا کہنا تھا کہ ہسپتال میں ہونیوالے آپریشن کے بعد گووندا کی ٹانگ سے گولی نکال لی گئی ہے۔
