94
وائلڈ لائف نے کارروائی کرتے ہوئے برفانی چیتے کا بچہ برآمد کرکے 3 افراد کو گرفتار کرلیا۔
گلگت، وائلڈ لائف نے کارروائی کرتے ہوئے برفانی چیتے کا بچہ برآمد کرکے 3 افراد کو گرفتار کرلیا۔ گلگت میں محکمہ پارکس اور وائلڈ لائف کی جانب سے کارروائی کرتے ہوئے برفانی چیتے کا ایک بچہ برآمد کرکے تین افراد کو حراست میں لے لیا گیا ہے۔
حکام کے مطابق گلگت میں کارروائی کے دوران گھر سے برفانی چیتے کا ڈھائی ماہ کا بچہ برآمد کرکے 3 افراد کو حراست میں لیا گیا ہے۔
وائلڈ لائف حکام کے مطابق برفانی چیتے کے بچے کو غیرقانونی طور پر ڈھائی لاکھ میں فروخت کیا گیا۔
وائلڈ لائف حکام کا کہنا ہے کہ چیتے کا بچہ ایک ماہ پہلے وادی یاسین کے علاقے ناز برنالہ سے اٹھایا گیا تھا، کارروائی کے دوران چیتے کا بچہ برآمد کرکے اسے وادی نلتر میں سنو لیپرڈ بحالی مرکز منتقل کردیا گیا ہے۔
